Search

Loading...

Translate

31 October 2014

Salloni i shijes ne Torino, merr pjese dhe Shqiperia

Friday, 31 October 2014 10:44
  • font size decrease font size increase font size
Salloni i shijes ne Torino, merr pjese dhe Shqiperia.
Sapo është mbyllur në Torino Salloni i Shijes, një prej panaireve më të rëndësishme në botë në fushën e gastronomisë dhe agrobiznesit. Edicioni i këtij viti, që u ndoq nga rreth 220 mijë vizitorë, kishte në qendër mbrojtjen e biodiversitetit ushqimor dhe bujqësisë me përmasa familjare.  Shqipëria qe e pranishme me gati 40 prodhues, që sollën në panair shijet tipike shqiptare. Jufka Dibre e gliko Përmeti, raki rrushi e pije të ndryshme zunë vend në stendën shqiptare, ku nuk mungonin edhe prodhimet e freskëta.
- See more at: http://radiotravel.al/index.php?option=com_k2&view=item&id=82414:salloni-i-shijes-ne-torino-merr-pjese-dhe-shqiperia&Itemid=575#sthash.c5AYAIwe.dpuf

WTM 2014 Londer, rendesi turizmit online.

Friday, 31 October 2014 11:09
  • font size decrease font size increase font size
WTM 2014 Londer, rendesi turizmit online.
Teknologjia dhe interneti ne turizem do te jene fokus te temave te diskutimit ne World Travel Market ne Londer. Eventi qe do te mbahet midis dative 3 dhe 6 nentor 2014 do te sjelle ne kryeqytetin britanik nje numer rekord pjesmarresish , nga te cilet perfaqsues te larte e autoritetet te industrise se turizmit ne bote. Gjate panairit nderkombetar te turizmit ne Londer do te promovohet gjithnje e me shume bashkepunimi mes turizmit dhe teknologjise online si dhe do te  mbahet TravelTeach Show, hapsira dedikuar turizmit online.
- See more at: http://radiotravel.al/index.php?option=com_k2&view=item&id=82417:wtm-2014-londer-rendesi-turizmit-online&Itemid=575#sthash.wOt4ddgk.dpuf

Galeria Kombëtare një e shtunë e çdo muaji falas për vizitorët, ftesa si nxitje drejt artit dhe kulturës


Galeria Kombëtare e Arteve dje mirëprit falas vizitorët, të cilët vizituan ekspozitën retrospektivë të piktorit të popullit Sadik Kaceli, por dhe linjën muzeale të galerisë, që prezanton vepra nga piktorët më të njohur shqiptarë ndër vite. Hyrja falas pa biletë, bëri që GKA të jetë në vëmendje të vizitorëve. Hyrja falas në GKA deri tani ka qenë për veprimtari të veçanta apo ngjarje të shënuara, dhe e shtuna falas që filloi dje për herë të parë në GKA ishte një ftesë që institucioni më i rëndësishëm i artit pamor në vend i bëri fëmijëve, nxënësve, studentëve të cilët kanë nisur vitin e ri akademik, publikut më të madh në moshë, që të shijojnë të vërtetën e artit pamor shqiptar.   “Ejani familjarisht, në çift, në grupe miqsh, apo edhe vetëm, vizitoni linjën muzeale të Galerisë Kombëtare të Arteve si dhe ekspozitën “Sadik Kaceli -Retrospektivë”, ishte ftesa që bëri dje GKA, duke pasur si qëllim nxitjen e publikut drejt artit dhe kulturës. Pranë GKA bëjnë të ditur se kjo gjë do të praktikohet një të shtunë të çdo muaji, dhe vizitorët do të kenë mundësi që të ndjekin falas pa paguar biletë ekspozitat që mund të jenë në GKA apo dhe linjën muzeale. “E shtuna të jetë në vëmendje të publikut për të shijuar artin pamor në GKA, duke mos e parë fundjavën vetëm si një ditë pushimi, vetëm në lokale, por dhe si një mundësi për të qenë më pranë krijimtarisë së artit. Tashmë ka nisur dhe viti akademik dhe kjo është dhe një mundësi më shumë për studentët. 


Një e shtunë falas do të jetë çdo muaj në GKA, publiku nuk do paguajë biletë”, bëjnë të ditur pranë këtij institucioni.   Tashmë GKA ka ndryshuar në politikat e saj jo vetëm punës që po bëhet në drejtim të afrimit të publikut, por dhe prezantimit të krijimtarisë së artistëve, mundësive të ekspozimit, etj. Një e shtunë falas për publikun është dhe një nga premtimet që drejtori i GKA Artan Shabani theksoi kur mori drejtimin e GKA. I cili ndërsa pohoi për punën që po bëhej në drejtim të zhvillimit të jetës artistike në GKA, foli dhe për rëndësinë e programeve të edukimit përmes artit në institucionin që ai drejton. “Të gjitha këndvështrimet, strategjitë, politikat kulturore i përmbahen asaj që kam thënë dhe më herët në intervista, do të jenë në funksion të artistëve, afrimit të publikut, politikat e edukimit të fëmijëve, një prezencë më konstante me shkollat me fëmijët, me njerëzit që kanë pamundësi për të ekspozuar, artistëve emergjentë shqiptarë, sigurisht dhe arti ndërkombëtar. Por jemi duke menduar që një e shtunë e çdo muaji të jetë falas për publikun, dhe kjo do të bëhet”, pohoi vitin që kaloi Artan Shabani, drejtor i GKA, dhe pas disa festave apo ngjarjeve historike që GKA ka qenë falas për publikun, e shtuna e kësaj fundjave nisi me vëmendjen e edukimit përmes artit dhe afrimit të publikut.   GKA dhe publiku   Në 11 Janar të vitit 1954 u hap zyrtarisht për herë të parë në vend, ajo që ne sot njohim si Galeria Kombëtare e Arteve. Institucioni më i rëndësishëm i artit pamor në vend prezanton sot një pasuri të madhe të artit pamor, fondi me vepra nga krijimtaria e artistëve më të shquar të artit shqiptar. Prej vitesh në GKA politika të tilla të afrimit me publikun, apo edukimit përmes artit të brezit të ri i kanë munguar këtij institucioni. Vizitorët në GKA duhet të paguajnë një çmim prej 200 lekësh të reja, ndërsa për studentët bileta është me gjysmën e këtij çmimi. Duke përjashtuar ndonjë përvjetor, apo ngjarje historike, GKA nuk ka pasur politika të tilla për afrimin dhe edukimin e publikut, dhe vetëm tani kanë filluar të marrin jetë të tilla politike, siç ishte dhe kjo e shtunë që erdhi falas për publikun, pas disa bashkëpunimeve që kanë qenë gjatë sezonit që kaloi apo dhe tani me shkollat, ku nxënësit vinin në GKA duke marrë më shumë njohuri mbi artin. Pas njoftimit që bëri GKA, e shtuna falas bëri që publiku ta kishte në vëmendje këtë institucion.   Në orët e paradites pranë GKA pohuan se ka qenë një numër i konsiderueshëm vizitorësh krahasuar me ditët e tjera, numër që pritej të ishte më i madh në orët e pasdites. Ndërkaq që sa i takon ekspozitave, më e fundit që është çelur “Retrospektiva” e artistit Sadik Kaceli ka qenë gjatë kësaj kohe në vëmendjen e vizitorëve, një ekspozitë që prezanton  91 vepra të artistit, duke marrë në shqyrtim një periudhë rreth 70 vjeçare krijimtarie, nga vizatimet e para të tij në fundin e viteve 1920, e deri në fund të viteve 1990.  Nga Julia Vrapi - See more at: http://www.sot.com.al/kultura/galeria-komb%C3%ABtare-nj%C3%AB-e-shtun%C3%AB-e-%C3%A7do-muaji-falas-p%C3%ABr-vizitor%C3%ABt-ftesa-si-nxitje-drejt-artit#sthash.hkOAgOsd.dpuf

Sa herë keni qenë në Burrel, qendra kryesore e Krahinës së Matit, e cilësuar si një muze i vërtetë arkeologjik dhe djep i lashtë i kulturës ilire

10669298_1556134947936356_3542650768686503067_o
150108_1556134894603028_6421919647834053746_n31/Tetor/2014 Sa herë keni qenë në Burrel, qytetin e vogël në verilindje të Shqipërisë? Me njerëz bujarë, mikpritje, traditë dhe histori . Vetëm 86 km larg kryqytetit, Burreli është qendra kryesore e Krahinës së Matit, e cilësuar si një muze i vërtetë arkeologjik dhe djep i lashtë i kulturës ilire. Janë zbuluar aty objekte që hedhin dritë mbi periudhat historike të zhvillimit kulturor, jo vetëm të trevës së Matit por edhe më gjërë. Në veri dhe në lindje ai kufizohet nga “Lugina e Matit”, në jug me “Përroin e Batrës së Vogël” dhe në perëndim me “Zallin e Gërmanit”.
10345744_1556134867936364_2568574287539041119_nSipas të dhënave historike Burreli, është ngritur mbi fshatin me të njëjtin emër dhe shtrihet në një taracë lumore, që ka pamjen e një pllaje me fushëpamje nga të gjitha zonat dhe fshtrat e krahinës së Matit. Mati mendohet se është vendlindja e heroit tonë kombëtar Gjergj Kastrioti Skënderbeu. Një vendas i famshëm i Burrelit ishte Ahmet Zogu, Mbreti i parë i Shqipërisë. Në rrethin e Matit ndodhet një nga 15 parqet kombëtare shqiptare, ai i Zall Gjocajt. Ia vlen ta vizitosh qytetin, qoftë për një drekë në breg të lumit, qoftë për të soditur bukurinë natyrore e arkeologjike që e rrethtojnë: nga Urat e Gurta, tek Kullat e Matit; nga Parku i Lurës tek ai Qaf Shtamës. Pa harruar liqenet e Balgjajt , të Ulzës dhe Shkopetit.
Qyteti i Burrelit së shpejti me një pamje të re!
10710279_1556542937895557_8034250440961084964_oBurreli, është një tjetër nga qytetet e vogla e të harruara ku janë hapur kantieret e ndërtimit për rivitalizimin e qendrave urbane. I përballur prej vitesh me mungesën e investimeve, shumë shpejt ky qytet do të ketë një qendër të re çlodhjeje e argëtimi, për të gjitha grupmoshat. Përmes Fondit të Zhvillimit të Rajoneve, në Burrel po implementohet projekti me vlerë 68 milionë lek, i cili përfundon në mars të vitit 2015. Ai parashikon rehabilitimin e dy godinave ekzistuese, që do të përshtaten sipas funksionevetë reja; ndërtimin dhe sistemimin e ujrave të bardha dhe të zeza; ndërtimin e fushave sportive; sistemimin e sheshit brenda parkut dhe ndërtimin e murit rrethues të tij. Aktualisht, në objekt po punohet me ndërtimin e fushave të lojrave, ambienteve çlodhëse për moshat e ndryshme, ndërtimin e bazamenteve për shinat e trenit, lulishteve etj.. Rindërtimi i këtij parku në qendrën e qytetit do të ketë një ndikim të ndjeshëm në jetën e qytetarëve. Ai i shërben një komuniteti prej 10. 000 banorësh.
MInistrja e Zhvillimit urban dhe Turizmit Englantina Gjermeni gjatë inspektimit të punimeve për rivatilizimin e qendrës së qytetit!   http://www.ata.gov.al/sa-here-keni-qene-ne-burrel-qytetin-e-vogel-ne-verilindje-te-shqiperise-192471.html

30 October 2014

Promovimi i turizmit shqiptar, tashmë edhe nga bukuroshet e “Miss Globe”

.Posted on  by .
Agjencia Kombëtare e Turizmit (AKT) i dha mbështetjen dhe mirseardhjen eventit dhe pjesëmarrësve të Miss Globe 2014,
Agjencia Kombëtare e Turizmit (AKT) i dha mbështetjen dhe mirseardhjen eventit dhe pjesëmarrësve të Miss Globe 2014,TIRANË, 30 Tetor /ATSH-Gjergji Mima/ -Promovimi i vlerave turistike të Shqipërisë tashmë do të bëhet edhe nëpërmjet bukurosheve nga e gjithë bota, që marrin pjesë në “Miss Globe 2014″.
Agjencia Kombëtare e Turizmit (AKT), në vijim të promovimeve dhe promocionit të vlerave të vendit tonë, i dha mbështetjen dhe mirseardhjen eventit dhe pjesëmarrëseve të “Miss Globe 2014″, finalja e të cilit do të zhvillohet në Shkodër në datën 8 nëntor 2014
Pas një vizite në simbolet e diktaturës në bulevardin qëndror të Tiranës, ku u mbajt edhe fjala e mirëseardhjes nga përfaqësuesit e AKT, bukuroshet e Miss Globe u shoqëruan për të vizituar rezidencën qeveritare (Vila 31), ku vite më parë shërbente si shtëpia e udhëheqësit të lartë komunist të kohës.
Gjithashtu vajzave pjesëmarrëse në Miss Globe iu shpërndanë edhe materiale promocionale për t’u njohur me kulturën, traditat dhe bukuritë natyrore që vendi ynë ofron.
Promovimi i turizmit shqiptar, tashmë edhe nga bukuroshet e “Miss Globe”
‘Miss Globe’ është një eveniment i përvitshëm, i cili përsëritet gjatë çdo tetori në dhjetë vitet e fundit.  Ajo që ‘Deliart Association’ ka synuar që nga fillimi i këtij misioni ka qenë prezantimi në botë i një Shqipërie tjetër, jo si vendi i shumë problemeve dhe varfërisë, por paraqitja e Shqipërisë së vërtetë, vendit të lashtë dhe të bukur, me të vërtetë tërheqës dhe mikpritës, integrimi i Shqipërisë në çdo cep të botës. /a.ke/http://www.ata.gov.al/promovimi-i-turizmit-shqiptar-tashme-edhe-nga-bukuroshet-e-miss-globe-191938.html

Panairi Botëror i Turizmit në Paris, Shqipëria prezantohet me Pukën

Panairi Botëror i Turizmit në Paris, Shqipëria prezantohet me PukënFRANCE-Puka u radhit përpara turistit francez në prezantimin e vendit të vet përkrah shteteve si, Amerika, Brazili, Australia, Argjentina, Rusia, Kina, Maroku, Irani, e shumë vende të tjera me potencial turistik të pakrahasueshëm në zhanerin e turizmit të aventurës. 

Shoqata ‘Dajti Alpino Turistik’, e cila bëri edhe këtë prezantim, u mbështet nga Agjencia Kombëtare e Turizmit (AKT) me materiale promocionale, të cilat u mirpritën me një interes të madh nga të pranishmit. 

(a.n/ata/BalkanWeb)

27 October 2014

Turizmi malor- Alpet shqiptare, konkurruese me vendet e Evropës

mal1TIRANE, 26 Tetor /ATSH/-Shqipëria ofron vende të mrekullueshme edhe për turizmin malor,  ku padyshim Alpet shqiptare konkurrojnë me ato të vendeve Evropiane për veçoritë e relievit  që ndërthuren me bukuritë e radha  natyrore.
Operatorët turistik shprehen se, turizmi malor gjatë viteve të fundit po njeh rritje të vizitorëve të shumë në zona të ndryshme të vendit.
Sipas tyre , përmirësimi i më tejshëm i infrastukturës po rrit më shumë interesin e turistëve për vendin tonë si dhe po shton interesin për investime private në këto zona.
SIpas Ministrise se Turizmit, pikat më veriore të vendit edhe këtë vit kanë nisur të frekuentohen. Freskia, qetësia, por më tepër bukurite që ato ofrojnë për të gjithë vizitorët janë tërheqëse për një numër të madh njerëzish. Ujevarat, shpellat, lumenjte janë vetem disa nga ato çka natyra u ka falur këtyre vendeve
Pushues nga krahina të ndryshme të vendit, turistë të huaj të apasionuar pas klimes dhe madhështisë së maleve, eksplorues të natyres etj janë të pranishëm në zonat turistike malore të Shkodres. Razma, Thethi dhe Vermoshi janë zonat që presin më së shumti pushues në këtë sezon vjeshte, qofshin këta ditore, disa ditore apo dhe javore.
Razma
razamNdodhet 41 km nga Shkodra dhe 900 metra mbi nivelin e detit, rreze malit te Veleçikut. Rruga e rikonstruktuar, edhe pse e ngushte, ben te mundur që në Razmë të shkohet lehtësisht edhe me makina të vogla.
Në Razmë ka hotele, si dhe shtëpi private që u përkasin familjeve nga Shkodra që shkojnë e pushojnë atje. Ndertimi i shtepive ne Razem nga shkodranet ka nisur qe ne vitet ’20 te shekullit te kaluar.
Ajo eshte nje nga vendet me te bukura dhe me klimen me te shëndetshme të Alpeve. Në mes të pishave, lëndinave, kullotave alpine e peisazheve malore ka mjaft banesa te tipit alpin. Vizitoret e shumte argetohen me ekskursione alpinistike, ndeshje sportive, gjueti etj.
Razma, ndryshe nga zonat e tjera turistike alpine, frekuentohet dëndur ne te gjitha stinet e vitit. Ajo eshte nje pike turistike me vlera kurative per semundje te ndryshme.
Në Razëm ka dhe disa restorante të tjera të vogla, por pushuesit familjare qe frekuentojne rreth 50 shtepite alpine tip vile, me se shumti preferojnë të gatuajne vetë. Ne Razem ka dyqane, ndërsa tregtare ambulante. Rruga 41 km e gjate eshte rehabilituar plotesisht.
THETHI
thethi1Ndodhet rreth 70 km larg Shkodres, në zemrën e Alpeve shqiptare. Per vlerat e tij klimaterike dhe atë të biodiversitetit, Thethi është shpallur Park Kombëtar, i cili është gjithashtu edhe pjese e projektit të përbashket te “Parkut te Paqes”, qe perfshin nje rajon nderkufitar te “Bjeshkeve te Namuna” midis tre shteteve: Shqiperise, Kosoves dhe Malit te Zi.
Siperfaqja e Parkut Kombetar përfshin nje areal prej 2 630 hektaresh dhe shtrihet ne nje lartesi prej 600 – 2 570 metra mbi nivelin e detit. Ketu ka një mbulese të dëndur pemesh ku 90% perfaqesohet nga pyjet e dendura të ahut, por dhe panjë, frasher, shkoze etj.
Thethi shquhet për kontrastet e relievit, ujevarave, bimesise se dendur, livadheve e sidomos i ngjyrave. Mjaft terheqese jane burimet e ujerave te Okolit. Rruga për në Theth bëhet kryesisht nga segmenti Shkoder- Koplik- Boge-Theth.
VERMOSHI
vermoshPërbën skajin me verior të vendit . Ai gjendet në një distancë prej 95 kilometrash nga qyteti i Shkodres dhe është pjese e komunes së Kelmendit ku ndodhen dhe fshatra të tjere me potenciale turistike, si: Tamara, Selca, Qapa e Perdolecit, Lepusha dhe veçanerisht Vermoshi.
Nga Shkodra deri në Vermosh udhetimi zgjat 5 orë. Fshati i Vermoshit është i ngritur mbi një fushë malore të krijuar ndryshe lumi i Limit. Ai eshte një lugine me origjine akullnajore, e vendosur ne lartesine 1 100 metra mbi nivelin e detit.
Vermoshi është i njohur  për pemet frutore ku në oborret e shtëpive rriten dru frutore si qershia, kumbulla e zeze, molla dhe dardha. Pushuesve u afrohen shoqerim ne mal dhe shetitje në Bjeshkë, gjueti dhe peshkim. e,xh/f.n/http://www.ata.gov.al/turizmi-malor-alpet-shqiptare-konkurruese-me-vendet-e-evropes-190584.html

Turizmi në Gjirokastër, investime familjare për shërbim më të mirë

Turizmi familjar në Gjirokastër po shfrytëzon ditët e vjeshtës kur edhe fluksi i vizitorëve është më i ulët për të zgjeruar kapacitetet në shërbim të turistëve. 

Administratorët e bujtinave turistike apo godinave karakteristike të cilat ofrojnë shërbime për turistët, po investojnë me të ardhurat e tyre për të rritur kapacitetet dhe cilësinë e shërbimit për vizitorët. 

Ata shprehen se zgjerimi i kapaciteteve akomoduese gjatë kësaj periudhe, krijon më shumë mundësi për të pritur një numër me të lartë turistësh gjatë sezonit të pranverës. 

Në këtë drejtim edhe institucionet publike në Gjirokastër, pushteti vendor dhe oganizatat jofitimprurëse, vazhdojnë promovimin e vlerave turistike të qytetit të gurtë me qëllim shtimin e vizitueshmërisë dhe të të ardhurave nga ky sektor për komunitetin.



Redaksia online
(g.f/shqiptarja.com)
 - See more at: http://www.shqiptarja.com/aktualitet/2731/-turizmi-n--gjirokast-r-investime--familjare-p-r-sh-rbim-m--t--mir--248576.html#sthash.nrm7TdHx.dpuf

26 October 2014

Tropojë, krahina e 'Nikaj Merturi' shpallet Park Natyror Rajonal

Të tjera rreth shkrimit
TROPOJË - Dje krahina e Nikaj Merturit në rrethin e Tropojës, ishte në festë. U inaugurua Parku Natyror Rajonal “Nikaj Merturi”, ku kishin ardhur drejtues vendorë të qarkut Kukës , bashkisë Bajram Curri, të pushtetit vendor dhe të ftuar nga Kosova ,Tirana, Shkupi e qytete të tjera shqipfolëse. Nderuan në këtë eveniment të rëndësishëm e të paharruar intelektualë, krijues, artistë nga Nikaj Merturi, banorë të krahinës që tashmë jetojnë larg saj, e shumë e shumë të tjerë.

Në fjalën përshëndetëse, kryetari i komunës Lekbibaj, Gëzom Meshaj,  falënderoj këshillin e komunës Lekbibaj, këshillin e qarkut Kukës dhe në veçanti qeverinë gjermane që pas një pune intensive dhe me pjesëmarrje të gjerë në këtë proces, mbështeti përmes projektit “Mbrojtja e agro-biodiversitetit në zonat rurale të Shqipërisë” i cili u zbatua nga fondacionet respektive GIZ dhe GOPA në bashkepunim me komunën për shpalljen e zonës së Nikaj-Merturit zonë e mbrojtur. Një falënderim të vecantë , referuesit i bënë ideatorit,projektuesit dhe iniciuesit

nikaj merkuri
nikaj merkuri
 FOTO të tjera

të këtij projekti,intelektualit dhe birit të kësaj zone, Ndoc Mulaj. Per te pranishmit e shumtë u dha nje program i pasur artistik nga artistë të krahinës të mbledhur në këtë eveniment si dhe u promovuan nëpërmjet panairit ushqimet tradicionale të Nikaj Merturit dhe etnokultura e saj në shekuj. Aktviteti u moderua me profesionalizëm nga gazetarja e re, bijë e Nikaj Merturit, Lindita Bushgjokaj. Motoja e të pranishmëve ishte kthimi në trojet e të parëvë për rindërtimin e krahinës së tyre,si një nga perlat më atraktive të Alpeve shqiptare në djepin e eposit të kreshnikëve.

Redaksia Online
(e.c/shqiptarja.com)
 - See more at: http://www.shqiptarja.com/aktualitet/2731/tropoj--krahina-e---39-nikaj-merturi--39--shpallet-park-natyror-rajonal-248339.html#sthash.rd5kLMoy.dpuf

Projekt restaurimi, 61 mijë euro për Kalanë e Ali Pashës në Butrint

Aktualisht kalaja e Ali Pashës në grykën e vivarit të Butrintit është një nga monument shumë pak i vizitueshëm nga turistët në parkun e Butrintit. Njëra arsye është se aty mund të shkohet vetëm më lundrim, dhe arsyeja tjeter, lenia e këtij monumenti në gjendje të shkatërruar. Kjo kala është fortifikuar nga vetë ali pasha për të përballuar sulmet e francezëve të vendosur në Korfuz gjatë viteve 1817-1818. Monumenti aktualisht është i mbuluar nga shkurret, bimësia dhe mbeturinat. Për ta shpëtuar këtë nga kjo gjendje në Bashkinë e Sarandës na bëjnë me dije shumë shpejt në bazë të programit evropian, kalaja e Ali Pashës do të merret në konservim për t’u shndërruar në një aset turistik. Saspo është aprovuar faza e parë e projektit që do të pasohet më tej me ngritjen e një muzeu historik modest për figurën e Ali Pashe Tepelenës brenda ambienteve të kalasë dhe ndërtimin e një observatori për shpendët në këtë lagunë. Vlera e projektit të BE për kalanë e Ali Pashës shkon ne 61 mije euro. Ndërkohë që përmes këtij projekti synohet edhe rritja e numrit të turistëve në Parkun Kombëtar të Butrintit përmes paketave të përbashkëta turistike me vendet e rajonit. - See more at: http://www.shqiptarja.com/kulture/2730/projekt-restaurimi-61-mije-euro-per-kalane-e-ali-pashes-ne-butrint-248122.html#sthash.D0mLrkth.dpuf

25 October 2014

Pogradeci, qyteti që ‘fle’ buzë liqenit

10742764_10152577994758863_221904708_oTIRANË, 25 Tetor /ATSH-Gjergji Mima/ -Një ndër qytetet më atraktivë për turistët në Shqipëri është padyshim Pogradeci, qyteti që shtrihet buzë liqenit të Ohrit, që ka mahnitur në kohë jo vetëm turistët e huaj apo vendas, por dhe shumë artistë që i kanë kushtuar veprat e tyre këtij qyteti dhe liqenit të tij.
Në qytetin e Pogradecit mund të shkosh nga rruga nacionale, e cila kryqëzohet në Majën e Qafë Thanës me rrugën që vjen nga pika kufitare me të njëjtin emër, nga Maqedonia.
Agjencia Kombëtare e Turizmit (AKT), në një guidë të saj rekomandon për turistët që pikërisht ku kryqëzohen këto dy rrugë të mos harrojnë të keni me vete aparatin fotografik për të fiksuar një pamje të rrallë: Liqenin e Ohrit, një perlë e vërtetë.
10742675_10152577994763863_91684836_oPak metra më poshtë, ndaloni në gadishullin e Linit dhe në fshatin me të njëjtin emër, 25 km larg Pogradecit. Thuhet se në antikitet prindërit e perandorit Justinian e kishin Linin vendin më të pëlqyer për të pushuar. Veç pamjes magjike, këtu mund të vizitoni mozaikun në Bazilikën e Linit mbi kodër, i cili daton në shek. VI-VII p.e.s. dhe shquhet për dekoracion të larmishëm zoomorf, floreal dhe gjeometrik. Ai ka ngjashmëri me mozaikët e Durrësit të lashtë.
Rrugës për në Pogradec kalon pranë bregut të liqenit të Ohrit, i cili me origjinën e tij tektonike dhe me thellësinë që arrin deri në 285 m, është më i thelli në Ballkan. Liqeni me moshë dy milion vjeçare, i cili për vlerat e tij unikale është shpallur pasuri e UNESCO-s, ruan në gjirin e tij 17 lloje peshqish, nga të cilët 70 % janë endemikë dhe 30 % lloje butakësh ku veçohet sfungjeri i Ohrit, i cili gjendet edhe në liqenin e Bajkalit.
10746860_10152577994773863_728579047_oBuzë liqenit do të gjeni shumë restorante, bare dhe hotele komode. Shijoni peshkun dhe mënyrën e gatimit të tij tradicional dhe pikërisht tavën e famshme të Koranit, turshitë dhe ”kollofacja”. Gjithashtu, do të gjeni shumë lloje verërash, në veçanti verën tradicionale dhe unikale të butit, rakinë e famshme “Perla” dhe “Muskat” të Pogradecit.
Në këtë qytet, të banuar prej periudhës së neolitit dhe më pas nga fiset Ilire të Enkelejve dhe Desaretëve, (që kanë vënë zanafillën e qytetit me kalanë e Pogradecit, në një kodër 870 m. mbi nivelin e detit), mund të vini në çdo stinë të vitit, pasi ka një klimë të mrekullueshme.
Pamje nga qyteti i PogradecitMos u largoni nga Pogradeci pa vizituar Drilonin dhe Tushemishtin, 5 km në jug të qytetit. Ujrat që dalin nga burimet e Drilonit, formojnë një liqen tjetër të vogël. Përreth ka gjelbërim krejt të veçantë që e bën këtë vend bashkë me fshatin piktoresk të Tushemishtit, një oaz të papërsëritshëm qetësie dhe pushimi. Ju mund të preheni të lumtur në këtë park të këndshëm.
Rajoni i Pogradecit është i pasur me monumente natyrore dhe historike i mrekullueshëm dhe e veçantë. Ju mund të vizitoni monumentin natyror “Guri i Kamjes”, që është i vendosur në komunën Dardhas (në rrugën nga Pogradeci deri në Korçë, në afërsi të fshatit Osnati). Monumenti natyror është 70 m i larte dhe papritmas rritet jashtë terrenit përreth si një “anije me vela në një det të gjelbër.” Siti arkeologjik dhe varret monumentale të Selcës shtrihen 30 km larg Pogradecit. Monumentet këtu datojnë në shekullin e IV-të dhe V-të. Varret monumentale shkëmbore gjenden në shumë pak vende të tjera në Ballkan. /a.ke/http://www.ata.gov.al/pogradeci-qyteti-qe-fle-buze-liqenit-190226.html

Një video përshkruese fantastike e Shqipërisë, e cila do të ju njoh më historinë, trashëgiminë kulturore dhe me secilin destinacion turistik të vendit tonë. 15 minuta që do të ju mahnisin dhe një thirrje për të zbuluar Shqipërinë.

24 October 2014

Ligatina e Tushemishtit me infrastrukturë të re,Tashmë ligatina ka një urë lidhëse, një pikë vrojtimi, si dhe një Qendër të Gjelbër duke e shndërruar atë në një pikë tërheqëse për të gjithë vizitorët.

20141023_161208TIRANË, 24 Tetor / ATSH / – U përurua infrastruktura e re e Ligatinës së Tushemishtit. Të pranishëm në përurimin e masave restauruese ishin zv.ministrja e Mjedisit Djana Bejko, zv.ambasadorja e Republikës Federale të Gjermanisë në Shqipëri, Anke Holstein, drejtori i GIZ-it për Shqipërinë, Hans-Juergen Cassens, prefekti i qarkut Korçë, Ardit Konomi etj.
Në fjalën e saj, zv.ministrja e Mjedisit, Bejko, theksoi se “Ministria e Mjedisit me mbështetjen e partnerëve të qeverisë shqiptare si, KfW, GIZ, JICA, WB etj, ka ndërmarrë aktivitete konkrete për mbrojtjen dhe rehabilitimin e ekosistemeve ligatinore kryesisht në Rezervatin Natyror të Menaxhuar “Kune-Vain-Tale, Parkun Kombëtar të Divjakë –  Karavastasë, Lagunën e Nartës, Parkun Kombëtar të Butrintit” etj, me qëllim mbrojtjen e biodiversitetit dhe burimeve natyrore, promovimin e vlerave natyrore, kulturore dhe tradicionale si dhe edukimin dhe rritjen e ndërgjegjësimit të komunitetit.  E në vijim kemi një tjetër praktikë pozitive në kuadër të projektit “Ruajtja dhe Përdorimi i  Qëndrueshëm i Biodiversitetit në tri liqenet e Prespës, Ohrit dhe Shkodrës”, i financuar nga  Ministria Federale për Bashkëpunimin dhe Zhvillim Ekonomik e Gjermanisë dhe zbatuar nga Shoqëria Gjermane për Bashkëpunim Ndërkombëtar (GIZ)”.tushemi
Projekti rajonal “Ruajtja dhe Përdorimi i Qëndrueshëm i Biodiversitetit në tri liqenet e Prespës, Ohrit dhe Shkodrës” (CSBL), i financuar nga  Ministria Federale për Bashkëpunimin Ekonomik dhe Zhvillim e Gjermanisë dhe zbatuar nga Shoqëria Gjermane për Bashkëpunim Ndërkombëtar (GIZ) në Shqipëri, i ka akorduar komunës Buçimas një fond prej 61,000 euro për marrjen e masave mbrojtjëse dhe restauruese në një nga ligatinat më të njohura në vend, atë të Tushemishtit.
Marrëveshja financiare mes projektit të GIZ-it dhe komunës Buçimas, e cila u firmos në dhjetor 2012, ndërmjet të tjerash ka mbështetur njësinë e qeverisjes vendore si dhe partnerët e tjerë lokale, kryesisht në restaurimin e burimit ujor (lumi i Kullës), që lidh fshatin e Tushemishtit me burimet e Drilonit, duke përmirësuar infrastrukturën. Tashmë ligatina ka një urë lidhëse, një pikë vrojtimi, si dhe një Qendër të Gjelbër duke e shndërruar atë në një pikë tërheqëse për të gjithë  vizitorët. Qendra e Gjelbër do të shërbejë për të informuar vizitorët dhe për të rritur ndërgjegjësimin qytetar lidhur me pasurinë e biodiversitetit të liqenit të Ohrit dhe ligatinës së Tushemishtit.
divjake1Liqenet e Prespës dhe Ohrit janë pjesë e Rezervës Ndërkufitare të Biosferës, shpallur pak ditë më parë në Korçë. Burimet e Drilonit, të cilat gëzojnë dhe statusin e monumentit të natyrës, si dhe ligatina rreth tij, ndodhen në qendër të kësaj rezerve biosfere.
Ndërhyrja në ligatinën e Tushemishtit, ka konsistuar edhe në organizimin e një fushate të gjerë ndërgjegjësimi mbi rëndësinë e ligatinave dhe larminë e rëndësinë e tyre në përdorimin e qëndrueshëm të biodiversitetit.  Për më shumë se dy vjet, projekti CSBL ka mbështetur vendet ndërkufitare të tri liqeneve për të mbrojtur burimet e biodiversitetit në katër fusha kryesore: monitorimin e florës dhe faunës në përputhje me Direktivat Evropiane të Habitateve (Natura 2000); monitorimin e peshkut dhe menaxhimin e peshkimit, përfshirë vendosjen e kuotave; mbrojtjen dhe restaurimin e ligatinave; karakterizimin e liqeneve dhe përcaktimin e objektivave mjedisorë sipas kërkesave të Direktivës Evropiane në Kuadër të Ujit .divjake
Faza e dytë e mbështetjes së GIZ-it në Shqipëri nëpërmjet projektit CSBL do të nisë në nëntor të këtij viti dhe do të përfshijë përsëri tri vendet kufitare në pjesën e liqeneve, Maqedoninë dhe Malin e Zi. Shuma që pala gjermane do t’u akordojë këtyre vendeve është 2 milion euro. /a.ke/http://www.ata.gov.al/ligatina-e-tushemishtit-me-infrastrukture-te-re-189491.html