e Martë, 15 Prill 2014 15:49
Tiranë- Në katër ditët e para pas nisjes së konkursit global për imazhin e ri të Shqipërisë, qeveria ka marrë 54 aplikacione nga brenda dhe jashtë vendit, duke përfshirë edhe Mbretërinë e
Bashkuar, Italinë, Spanjën, Hong Kongun, dhe SHBA, duke përfshirë një nga CNN International.
Qeveria shqiptare është në kërkim të një agjencie të marrëdhënieve me publikun, marketingut, apo reklame për të zhvilluar një fushatë për të krijuar një identitet të ri për vendin, duke promovuar imazhin si një destinacion turistik dhe vend për investime. Alastair Campbell, ish-drejtor i komunikimit dhe strategjisë i Tony Blair është një këshilltar i pavarur strategjik i kryeministri shqiptar dhe një anëtar i jurisë së nextgenerationalbania.
Sipas tij mjafton të thuash emrin e çdo vendi në botë dhe menjëherë njerëzit kanë një ndjesi për atë vend. Campbell shprehet se kur një vend është etiketuar negativisht për një kohë të gjatë mund të jetë e vështirë për ta ndryshuar këtë perceptim, që mund të ketë pasoja të drejtpërdrejta negative -ekonomike, sociale, politike dhe kulturore- duke e bërë edhe më të vështirë për të bërë ndryshimet e nevojshme si për të përmirësuar imazhin e saj dhe më e rëndësishmja standardet e jetesës së njerëzve.
‘Pra, nëse unë them “Shqipëria…”, shprehet ai në një artikull të ‘PR Week’, unë e di se çfarë jeni duke
menduar’. Ai është i mendimit se shqiptarët e dinë se kanë një problem ndërkombëtar, për korrupsionin, krimin e organizuar etj.
Por Campbell shton se ndryshimi po ndodh. “Angela Merkel…e pranoi atë kur ajo u takua me Ramën kohët e fundit dhe premtoi se do të vizitojë Tiranën brenda vitit të ardhshëm dhe do të mbështesë nxitjen për statusin e kandidatit të BE. Ky ishte një moment i madh. Natyrisht, Gjermania është ndoshta shembulli më i mirë në botë se si një vend mund të përmirësojë reputacionin e tij global me kalimin e kohës”.
Campbell ka punuar me Ramën në fushatën e tij zgjedhore dhe ish-kryeministri britanik Tony Blair, gjithashtu ofroi këshilla strategjike për Partinë Socialiste në prag të zgjedhjeve të vitit të kaluar.
Konkursi u hap më 8 prill dhe data e fundit për aplikimet është 30 prilli. Firmat duhet të paraqesin idetë për të promovuar Shqipërinë në një mënyrë që lidhet me ribrandimin e zhvillimit dhe ndryshimit.
Aplikimi mund të bëhet për nextgenerationalbania.info.
Nessun commento:
Posta un commento